OBERLIENZerlesen Nr. 68

44 Oberlienz erlesen Oberlienz erlesen 45 Oberlienz Da „Breznsunntig“ in Oberlienz Den „Breznsunntig“ gibs meines Wissens lei in Oberlienz, und zwoa en 2. Foschtnsunntig. In die Nochbaderfer isch er lei veroanzelt bekonnt. Auf wos dea Brauch hintageht isch goa nit sou leicht ze dafrogen. Onscheinend geht`s drauf hinta, dass se en friahren Zeitn – wie jo ollgemein bekonnt isch – nit viel ghot hom, und in da Foschte sich earscht recht mitn Essn wilde hintagholtn hom. Dass die Foschtnsunntige von der Foschtnzeit ausgenomm sein, isch sicher in oltn Zeitn a so gewesn. So soll es sich nocha eingebürgert hobn, dass die Leit en 2. Foschtnsunntig noch da Mess zen Wiat gong sein und do ane Brezn gessn hom und dazue isch a bissl getrunken woan. Wie longe des gedauert hot und wieviel getrunkn woan isch, do woass man ibahaupt nix (hierzu kann sich ein jeder seine eigenen Gedanken machen...). Späta – do konn i mi a no erinnern - hom die Leit die Brezn hoamgetrogn und do isch nocha Brez gezochen woan, wea es greßere Drum dawuschen hot woa da Siega und hot natierlich a mehr Brez zen Essen ghob. Weil ma hoia koa Gscheft mea ghot hom, isch der bsundere Sunntig irgendwie untagong und woascheinlich in die mehran Familien ausgfoll. Vielleicht dagib si fia negschtes Joah epes, dass ma den alten Brauch wieda auflebn lossn. Hetzan tat i die ältan Leit bittn, wea epis iba den Brauch woass, mia des zu sogn, damit mans an die Jingan weitergebn konn. von Hannes Schneeberger Das besondere Bild von Thomas Unterassinger Aufruf Einsendungen „Das besondere Bild” Wer schon immer einmal einen Beitrag zur Rubrik „Das besondere Bild” leisten wollte, ist herzlich eingeladen, uns seine besondere Aufnahme zu schicken. Einfach per Mail an redaktion@oberlienz.at . Wir freuen uns auf eure Einsendungen. © Hannes Schneeberger